T20 League – ನ್ಯೂಜಿಲೆಂಡ್ನಲ್ಲಿ ಐಪಿಎಲ್ ಮಾದರಿಯ ಟಿ20 ಲೀಗ್ ಆರಂಭ; ಎಷ್ಟು ತಂಡಗಳು ಕಣಕ್ಕೆ?
New Zealand’s Own T20 League Set for 2027: ಜಾಗತಿಕ ಟಿ20 ಲೀಗ್ಗಳ ಜನಪ್ರಿಯತೆಯನ್ನು ಗಮನಿಸಿ ನ್ಯೂಜಿಲೆಂಡ್ ಕ್ರಿಕೆಟ್ 2027ರ ಜನವರಿಯಲ್ಲಿ ತನ್ನದೇ ಆದ ಟಿ20 ಲೀಗ್ ಆರಂಭಿಸಲು ನಿರ್ಧರಿಸಿದೆ. ಪುರುಷರ ಹಾಗೂ ಮಹಿಳೆಯರಿಗಾಗಿ ಪ್ರತ್ಯೇಕ ಟೂರ್ನಿಗಳನ್ನು ಆಯೋಜಿಸಲಾಗುವುದು. 6 ತಂಡಗಳ ಈ ಲೀಗ್, ಸ್ಥಳೀಯ ಯುವ ಕ್ರಿಕೆಟಿಗರಿಗೆ ಉತ್ತಮ ವೇದಿಕೆ ಒದಗಿಸಲಿದೆ. ಇದು NZC ಗೆ ಆರ್ಥಿಕ ಲಾಭ ತರಲಿದ್ದು, ದೇಶದಲ್ಲಿ ಕ್ರಿಕೆಟ್ ಆಸಕ್ತಿ ಹೆಚ್ಚಿಸಲು ಸಹಕಾರಿಯಾಗಲಿದೆ.
ವಿಶ್ವದಾದ್ಯಂತ ಟಿ20 ಲೀಗ್ನ (T20 League) ಜನಪ್ರಿಯತೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವುದನ್ನು ಗಮನಿಸಿರುವ ನಾನಾ ದೇಶಗಳು ತಮ್ಮ ದೇಶದಲ್ಲೂ ಟಿ20 ಲೀಗ್ಗಳನ್ನು ಆರಂಭಿಸಿವೆ. ಅಂತಹ ದೇಶಗಳ ಸಾಲಿಗೆ ಇದೀಗ ನ್ಯೂಜಿಲೆಂಡ್ ದೇಶವೂ ಸೇರ್ಪಡೆಯಾಗುತ್ತಿದೆ. ಭಾರತ, ಆಸ್ಟ್ರೇಲಿಯಾ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಯುನೈಟೆಡ್ ಸ್ಟೇಟ್ಸ್ ಮತ್ತು ದುಬೈ ಈಗಾಗಲೇ ಟಿ20 ಲೀಗ್ಗಳನ್ನು ಪ್ರಾರಂಭಿಸಿ ಸಾಕಷ್ಟು ಯಶಸ್ಸು ಗಳಿಸಿವೆ. ಇದನ್ನು ಗಮನಿಸಿರುವ ನ್ಯೂಜಿಲೆಂಡ್ ತನ್ನದೇ ಆದ ಟಿ20 ಲೀಗ್ ಪ್ರಾರಂಭಿಸಲು ನಿರ್ಧರಿಸಿದೆ. ಈ ಲೀಗ್ನಲ್ಲಿ 6 ತಂಡಗಳು ಭಾಗವಹಿಸಲಿದ್ದು, ಈ ಆರು ತಂಡಗಳು ಐಪಿಎಲ್ನಂತೆಯೇ ಪ್ರತ್ಯೇಕ ಮಾಲೀಕರನ್ನು ಹೊಂದಿರುತ್ತವೆ ಎಂದು ವರದಿಯಾಗಿದೆ. ಹಾಗೆಯೇ ಈ ಲೀಗ್ 2027 ರ ಜನವರಿಯಲ್ಲಿ ಪ್ರಾರಂಭವಾಗುವ ನಿರೀಕ್ಷೆಯಿದೆ. ಪುರುಷರಿಗೆ ಮಾತ್ರವಲ್ಲದೆ ಮಹಿಳೆಯರಿಗೂ ಈ ಪಂದ್ಯಾವಳಿಯನ್ನು ಪ್ರಾರಂಭಿಸುವುದಾಗಿ ನ್ಯೂಜಿಲೆಂಡ್ ಕ್ರಿಕೆಟ್ ಹೇಳಿದೆ.
Read this: T20 WC 2026 POTM-ಪೋಟಿ 8 ಆಟಗಾರರು |Kannada Folks
ನ್ಯೂಜಿಲೆಂಡ್ ಕ್ರಿಕೆಟ್ ಪ್ರಮುಖ ಘೋಷಣೆ
ಈ ಬಗ್ಗೆ ಮಾಹಿತಿ ನೀಡಿರುವ ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಯ ಅಧ್ಯಕ್ಷ ಲಿಂಡನ್, ‘NZ20 ಲೀಗ್ ಪ್ರಸ್ತಾವನೆಯಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲು ಮಂಡಳಿ ಚಿಂತಿಸಿದೆ. ಈ ಲೀಗ್ ಕೇವಲ ಮನರಂಜನೆಯ ಬಗ್ಗೆ ಮಾತ್ರವಲ್ಲ, ಯುವ ಸ್ಥಳೀಯ ಕ್ರಿಕೆಟಿಗರಿಗೆ ಉತ್ತಮ ವೇದಿಕೆಯಾಗಲಿದೆ. ಪ್ರತಿ ತಂಡವು ಸ್ಥಳೀಯ ಸ್ಟಾರ್ ಕ್ರಿಕೆಟಿಗರನ್ನು ಹೊಂದಿರಬೇಕು, ಇದರಿಂದ ಯುವ ಆಟಗಾರರು ಹೆಚ್ಚು ಕಲಿಯಬಹುದು ಎಂದಿದ್ದಾರೆ. ಇನ್ನು ಆಸ್ಟ್ರೇಲಿಯಾದ ಬಿಗ್ ಬ್ಯಾಷ್ ಲೀಗ್ನಲ್ಲಿ ನ್ಯೂಜಿಲೆಂಡ್ ತಂಡಗಳನ್ನು ಸೇರಿಸುವ ಬಗ್ಗೆ ಆರಂಭದಲ್ಲಿ ಚರ್ಚೆಗಳು ನಡೆದಿದ್ದರೂ, ಮಂಡಳಿಯು ಅಂತಿಮವಾಗಿ ತಮ್ಮದೇ ಆದ ಲೀಗ್ ಪ್ರಾರಂಭ ಮಾಡುವುದು ಉತ್ತಮ ಎಂದು ನಿರ್ಧರಿಸಿದೆ’ ಎಂದು ಅವರು ಹೇಳಿದ್ದಾರೆ.
ನ್ಯೂಜಿಲೆಂಡ್ ಕ್ರಿಕೆಟ್ ಟಿ20 ಫ್ರಾಂಚೈಸ್ ಲೀಗ್ ಪ್ರಾರಂಭಿಸುವುದರಿಂದ ಸಾಕಷ್ಟು ಪ್ರಯೋಜನ ಪಡೆಯಲಿದೆ. ಖಾಸಗಿ ಉದ್ಯಮಿಗಳು ಈ ಲೀಗ್ನಲ್ಲಿ ಹೂಡಿಕೆ ಮಾಡಿದರೆ, ಅದು ಸ್ಪಷ್ಟವಾಗಿ ನ್ಯೂಜಿಲೆಂಡ್ ಮಂಡಳಿಗೆ ಆರ್ಥಿಕವಾಗಿ ಪ್ರಯೋಜನವನ್ನು ನೀಡುತ್ತದೆ ಮತ್ತು ಕಿವಿ ತಂಡಕ್ಕೆ ಯುವ ಆಟಗಾರರ ಆಗಮನ ಹೆಚ್ಚಾಗಲಿದೆ. ನ್ಯೂಜಿಲೆಂಡ್ ಕ್ರಿಕೆಟ್ಗೆ ಹೆಚ್ಚಿನ ಹಣ ಬರುವುದರಿಂದ, ಜನರು ಕ್ರಿಕೆಟ್ನಲ್ಲಿ ಹೆಚ್ಚು ಆಸಕ್ತಿ ಹೊಂದುತ್ತಾರೆ. ನ್ಯೂಜಿಲೆಂಡ್ನಲ್ಲಿ ಕ್ರಿಕೆಟ್ಗಿಂತ ರಗ್ಬಿಗೆ ಆದ್ಯತೆ ನೀಡಲಾಗುತ್ತದೆ. ಕ್ರಿಕೆಟ್ ಆರ್ಥಿಕವಾಗಿ ಬಲಗೊಂಡರೆ, ಅದರ ಅನುಯಾಯಿಗಳು ಮತ್ತಷ್ಟು ಹೆಚ್ಚಾಗುತ್ತಾರೆ.
ಟಿ20 ಲೀಗ್ ಆಯೋಜಿಸುತ್ತಿರುವ ದೇಶಗಳು
ಪ್ರಸ್ತುತ, ಭಾರತ (ಐಪಿಎಲ್) ದಕ್ಷಿಣ ಆಫ್ರಿಕಾ (ಎಸ್ಎ20), ಪಾಕಿಸ್ತಾನ (ಪಿಎಸ್ಎಲ್), ಬಾಂಗ್ಲಾದೇಶ (ಬಿಪಿಎಲ್), ವೆಸ್ಟ್ ಇಂಡೀಸ್ (ಸಿಪಿಎಲ್)ನಲ್ಲಿ ಆಯೋಜನೆಗೊಳ್ಳುತ್ತಿರುವ ಲೀಗ್ಗಳು ಈಗಾಗಲೇ ಯಶಸ್ವಿಯಾಗಿವೆ. ಈ ಲೀಗ್ಗಳು ಹೊಸ ಪ್ರತಿಭೆಗಳನ್ನು ಮುನ್ನೆಲೆಗೆ ತರುತ್ತಿವೆ, ಇದರಿಂದ ಜಾಗತಿಕ ಕ್ರಿಕೆಟ್ ಮಾರುಕಟ್ಟೆಯೂ ಬೆಳೆಯುತ್ತಿದೆ. ಈ ಹೊಸ ಲೀಗ್ನೊಂದಿಗೆ ಜಾಗತಿಕ ಕ್ರಿಕೆಟ್ ನಕ್ಷೆಯಲ್ಲಿ ತನ್ನ ಸ್ಥಾನವನ್ನು ಮತ್ತಷ್ಟು ಬಲಪಡಿಸಲು ನ್ಯೂಜಿಲೆಂಡ್ ಆಶಿಸುತ್ತಿದೆ.ಇದೀಗ ಕಿವೀಸ್ ಲೀಗ್ನಲ್ಲಿ ಯಾವ ಐಪಿಎಲ್ ತಂಡದ ಮಾಲೀಕರು ತಂಡಗಳನ್ನು ಖರೀದಿಸುತ್ತಾರೆ ಎಂದು ಕಾದು ನೋಡಬೇಕಾಗಿದೆ.
Read this: India T20 Ireland & England-ಐಪಿಎಲ್ ನಂತರ ಭಾರತ ಟಿ20 ಸರಣಿ |Kannada Folks
Follow Us
Follow KannadaFolks channel on WhatsApp
Visit the Kannadafolks.in follow the latest updates
Subscribe and Receive exclusive content and updates on your favourite topics
Subscribe to KannadaFloks YouTube Channel and watch Videos
Support Us 
