Shaheen Afridi Quits The Hundred-ಶಾಹೀನ್ ಹರಾಜಿಗೆ ಮುನ್ನ ಔಟ್

The Hundred 2026: ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ ಆಯೋಜಿಸುವ ದಿ ಹಂಡ್ರೆಡ್ ಲೀಗ್ ಶುರುವಾಗಿದ್ದು 2021 ರಲ್ಲಿ. ಈವರೆಗೆ ಐದು ಸೀಸನ್ ಆಡಲಾಗಿದೆ.ಇದೀಗ ಆರನೇ ಸೀಸನ್​ಗಾಗಿ ಹರಾಜು ಪ್ರಕ್ರಿಯೆ ನಡೆಯಲಿದೆ. ಈ ಹರಾಜಿಗೂ ಮುನ್ನ ಪಾಕಿಸ್ತಾನ್ ತಂಡದ ಸ್ಟಾರ್ ವೇಗಿ ಶಾಹೀನ್ ಶಾ ಅಫ್ರಿದಿ ಟೂರ್ನಿಯಿಂದ ಹಿಂದೆ ಸರಿದಿದ್ದಾರೆ.

Read this : Bengaluru Warder Held for Ganja-ಒಳ ಉಡುಪಿನಲ್ಲಿ ಗಾಂಜಾ ವಾರ್ಡನ್ ಬಂಧನ

ಪಾಕಿಸ್ತಾನದ ಏಕದಿನ ಕ್ರಿಕೆಟ್ ತಂಡದ ನಾಯಕ ಶಾಹೀನ್ ಶಾ ಅಫ್ರಿದಿ, ದಿ ಹಂಡ್ರೆಡ್ (The Hundred) 2026 ಟೂರ್ನಿಯ ಆಟಗಾರರ ಹರಾಜಿನಿಂದ ಹಿಂದೆ ಸರಿದಿದ್ದಾರೆ. ಲಂಡನ್‌ನಲ್ಲಿ ಹರಾಜು ಪ್ರಕ್ರಿಯೆ ಆರಂಭವಾಗಲು ಕೆಲವೇ ಗಂಟೆಗಳ ಮೊದಲು ಅವರು ತಮ್ಮ ಹೆಸರನ್ನು ಹಿಂಪಡೆದಿದ್ದಾರೆ.

ಪಾಕಿಸ್ತಾನ ತಂಡದ ಮುಂಬರುವ ಅಂತಾರಾಷ್ಟ್ರೀಯ ಪಂದ್ಯಗಳಿಗೆ (ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿ) ಆದ್ಯತೆ ನೀಡಲು ಅಥವಾ ಗ್ಲೋಬಲ್ ಟಿ20 ಲೀಗ್‌ನಲ್ಲಿ ಭಾಗವಹಿಸಲು ಅವರು ಈ ನಿರ್ಧಾರ ಕೈಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಏನಿದು ಇಮೇಜ್ ರೈಟ್ಸ್​?

ಇಮೇಜ್ ರೈಟ್ಸ್  ಎಂದರೆ ಒಬ್ಬ ಆಟಗಾರನ ಹೆಸರು, ಫೋಟೋ, ಸಹಿ ಅಥವಾ ಧ್ವನಿಯನ್ನು ವಾಣಿಜ್ಯ ಉದ್ದೇಶಗಳಿಗಾಗಿ ಬಳಸಿಕೊಳ್ಳುವ ಹಕ್ಕು.

ಲೀಗ್ ಅಥವಾ ತಂಡವು ಪಂದ್ಯದ ಪ್ರಚಾರಕ್ಕಾಗಿ, ಜಾಹೀರಾತುಗಳಲ್ಲಿ ಅಥವಾ ಟಿ-ಶರ್ಟ್‌ನಂತಹ ವಸ್ತುಗಳ ಮೇಲೆ ಆಟಗಾರನ ಚಿತ್ರವನ್ನು ಬಳಸುತ್ತದೆ. ಹೀಗೆ ಬಳಸಿದ್ದಕ್ಕಾಗಿ ಆಟಗಾರನಿಗೆ ಪ್ರತ್ಯೇಕವಾಗಿ ಹಣವನ್ನು ನೀಡಲಾಗುತ್ತದೆ.

ಆಟಗಾರನು ಪಂದ್ಯವಾಡಲು ಪಡೆಯುವ ಸಂಭಾವನೆ ಬೇರೆ, ಮತ್ತು ಅವರ ಫೋಟೋ ಅಥವಾ ಹೆಸರನ್ನು ಪ್ರಚಾರಕ್ಕೆ ಬಳಸಿದ್ದಕ್ಕಾಗಿ ನೀಡುವ ಇಮೇಜ್ ರೈಟ್ಸ್ ಹಣವೇ ಬೇರೆ.

ಶಾಹೀನ್ ಶಾ ಅಫ್ರಿದಿ ಪಂದ್ಯಾವಳಿಯಿಂದ ಹಿಂದೆ ಸರಿದಿದ್ದರೂ, ಅವರ ಚಿತ್ರವನ್ನು ಈಗಾಗಲೇ ದಿ ಹಂಡ್ರೆಡ್​ ಲೀಗ್‌ನ ಪ್ರಚಾರಕ್ಕಾಗಿ ಅಥವಾ ಮಾರ್ಕೆಟಿಂಗ್‌ಗಾಗಿ ಬಳಸಲಾಗಿದೆ.

ಈ ಕಾರಣಕ್ಕಾಗಿ ಅವರಿಗೆ ಸುಮಾರು £5,000 ಇಮೇಜ್ ರೈಟ್ಸ್ ರೂಪದಲ್ಲಿ ಸಿಗಲಿದೆ ಎಂದು ವರದಿಯಾಗಿದೆ. ಅಂದರೆ ಪಾಕಿಸ್ತಾನ್ ರೂಪಾಯಿ 17 ಲಕ್ಷ ಪಡೆಯಲಿದ್ದಾರೆ.

ಏನಿದು ಹಂಡ್ರೆಡ್ ಲೀಗ್?

ದಿ ಹಂಡ್ರೆಡ್ ಲೀಗ್ ಎಂಬುದು ಟಿ20 ಮಾದರಿಯಲ್ಲೇ ಆಯೋಜಿಸಲಾಗುವ ಚುಟುಕು ಟೂರ್ನಿ. ಆದರೆ ಇಲ್ಲಿ 20 ಓವರ್​ಗಳಿರುವುದಿಲ್ಲ ಎಂಬುದಷ್ಟೇ ವ್ಯತ್ಯಾಸ. ಬದಲಾಗಿ 100 ಎಸೆತಗಳ ಪಂದ್ಯವಾಗಿರಲಿದೆ. ಹೀಗಾಗಿಯೇ ಈ ಟೂರ್ನಿಗೆ ದಿ ಹಂಡ್ರೆಡ್ ಎಂದು ಹೆಸರಿಡಲಾಗಿದೆ.

ದಿ ಹಂಡ್ರೆಡ್ ಲೀಗ್​ನ ತಂಡಗಳು:

• ಎಂಐ ಲಂಡನ್ (ಮುಂಬೈ ಇಂಡಿಯನ್ಸ್)
• ಸನ್​ರೈಸರ್ಸ್ ಲೀಡ್ಸ್ (ಸನ್​ರೈಸರ್ಸ್ ಹೈದರಾಬಾದ್)
• ಮ್ಯಾಂಚೆಸ್ಟರ್ ಸೂಪರ್ ಜೈಂಟ್ಸ್ (ಲಕ್ನೋ ಸೂಪರ್ ಜೈಂಟ್ಸ್​)
• ಸದರ್ನ್ ಬ್ರೇವ್ (ಡೆಲ್ಲಿ ಕ್ಯಾಪಿಟಲ್ಸ್​)
• ಬರ್ಮಿಂಗ್​ಹ್ಯಾಮ್ ಫೀನಿಕ್ಸ್
• ಲಂಡನ್ ಸ್ಪಿರಿಟ್
• ಟ್ರೆಂಟ್ ರಾಕೆಟ್ಸ್
• ವೆಲ್ಷ್ ಫೈರ್
• Follow Us Follow KannadaFolks channel on WhatsApp

  Visit the Kannadafolks.in follow the latest updates

  Subscribe and Receive exclusive content and updates on your favourite topics

  Subscribe to KannadaFloks YouTube Channel and watch Videos