ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಸ್ನೇಹಾ ಸಾವು: ಧಾರಾವಾಹಿಯಿಂದ ಸಂಜನಾ ಬುರ್ಲಿ ಔಟ್!
ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಅಪ್‌ಡೇಟ್: ‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿ ಅನಿರೀಕ್ಷಿತ ತಿರುವು ಪಡೆದುಕೊಂಡಿದೆ. ಅಪಘಾತದಲ್ಲಿ ಸ್ನೇಹಾ ಸಾವನ್ನಪ್ಪಿದ್ದಾರೆ. ಅಷ್ಟರೊಳಗೆ ಸ್ನೇಹಾ ಪಾತ್ರ ಮುಗಿದು, ನಟಿ ಸಂಜನಾ ಬುರ್ಲಿ ಧಾರಾವಾಹಿಗೆ ಗುಡ್ ಬೈ ಹೇಳಿದ್ದರು.
- ‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿಗೆ ಸಂಜನಾ ಬುರ್ಲಿ ಗುಡ್‌ಬೈ
- ಭೀಕರ ಅಪಘಾತದಲ್ಲಿ ಜಿಲ್ಲಾಧಿಕಾರಿ ಸ್ನೇಹಾ ಸಾವು!
ಸ್ನೇಹಾ ಪಾತ್ರ ಅಂತ್ಯ: ಸೀರಿಯಲ್ ತೊರೆದು ಭಾವುಕ ಪೋಸ್ಟ್ ಹಂಚಿಕೊಂಡ ಸಂಜನಾ ಬುರ್ಲಿಧಾರಾವಾಹಿಯಲ್ಲಿ ಸ್ನೇಹಾ ಸಾವು: ಸೀರಿಯಲ್‌ನಿಂದ ಹೊರಬಂದ ಸಂಜನಾ ಬುರ್ಲಿ!
ಕನ್ನಡ ಕಿರುತೆರೆಯ ನಂಬರ್ 1 ಧಾರಾವಾಹಿ ‘ಪುಟ್ಟಕ್ಕನ ಮಕ್ಕಳು’. ಹೆಂಗಳೆಯರ ಮನಗೆದ್ದಿರುವ ‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿಗೆ ಇದೀಗ ರೋಚಕ ತಿರುವು ಲಭಿಸಿದೆ. ಪುಟ್ಟಕ್ಕನ ಹಿರಿಯ ಮಗಳು ಸ್ನೇಹಾ ಜಿಲ್ಲಾಧಿಕಾರಿಯಾಗಿದ್ದಳು. ಅಲ್ಲಿಗೆ, ಪುಟ್ಟಕ್ಕನ ಮನೆಯಲ್ಲಿ ಸಂತಸ, ನೆಮ್ಮದಿ ನೆಲೆಸುತ್ತೆ ಅಂತ ವೀಕ್ಷಕರು ಭಾವಿಸುವಾಗಲೇ ದೊಡ್ಡ ತಿರವು ನೀಡಲಾಗಿದೆ.
ಸ್ನೇಹಾಗೆ ಅಪಘಾತ
ಜಿಲ್ಲಾಧಿಕಾರಿ ಸ್ನೇಹಾ ಪ್ರಯಾಣಿಸುತ್ತಿದ್ದ ಕಾರು ಅಪಘಾತಕ್ಕೀಡಾಗಿದೆ. ಕುತಂತ್ರಿ ಸಿಂಗಾರಮ್ಮನ ಕೈವಾಡದಿಂದ ಸ್ನೇಹಾ ಕಾರು ಆಕ್ಸಿಡೆಂಟ್ ಆಗಿದೆ. ಆಕ್ಸಿಡೆಂಟ್‌ನಲ್ಲಿ ಸ್ನೇಹಾ ಸಾವನ್ನಪ್ಪಿದ್ದಾಳೆ. ಪಾಪ.. ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಪುಟ್ಟಕ್ಕನಿಗೆ.. ಜನ್ಮದಿನದಂದೇ ಮಗಳ ಸಾವಿನ ಸುದ್ದಿ ಕಿವಿಗೆ ಬರಸಿಡಿಲಿನಂತೆ ಅಪ್ಪಳಿಸಿದೆ.
ಸ್ನೇಹಾ ಪಾತ್ರ ಮುಕ್ತಾಯ
ಆಕ್ಸಿಡೆಂಟ್‌ನಿಂದಾಗಿ ‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿಯಲ್ಲಿ ಸ್ನೇಹಾ ಪಾತ್ರ ಎಂಡ್‌ ಆಗಿದೆ. ಸ್ನೇಹಾ ಪಾತ್ರ ಇನ್ನುಂದೆ ಮುಂದುವರೆಯುವುದಿಲ್ಲ.
ಧಾರಾವಾಹಿಯಿಂದ ಹೊರಬಂದ ಸಂಜನಾ ಬುರ್ಲಿ
‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿಯಿಂದ ಸಂಜನಾ ಬುರ್ಲಿ ಹೊರಬಂದಿದ್ದಾರೆ. ಸೀರಿಯಲ್‌ಗೆ ಸಂಜನಾ ಬುರ್ಲಿ ಗುಡ್ ಬೈ ಹೇಳಿದ ಕಾರಣಕ್ಕೆ.. ಸ್ನೇಹಾ ಪಾತ್ರವನ್ನೇ ಎಂಡ್‌ ಮಾಡಲಾಗಿದೆ. ಸ್ನೇಹಾ ಪಾತ್ರಕ್ಕೆ ರೀಪ್ಲೇಸ್‌ಮೆಂಟ್‌ ಬದಲು ಪಾತ್ರವನ್ನೇ ಅಂತ್ಯಗೊಳಿಸಲಾಗಿದೆ. ತಾವು ಸೀರಿಯಲ್‌ನಿಂದ ಹೊರಬಂದಿರುವ ಬಗ್ಗೆ ಸಂಜನಾ ಬುರ್ಲಿ ಸೋಷಿಯಲ್ ಮೀಡಿಯಾದಲ್ಲಿ ಸುದೀರ್ಘ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಸಂಜನಾ ಬುರ್ಲಿ ಇನ್ಸ್ಟಾಗ್ರಾಮ್ ಪೋಸ್ಟ್!
View this post on Instagram
‘’ಪ್ರತಿಯೊಂದು ದೊಡ್ಡ ವಿಷಯವೂ ಕೊನೆಗೊಳ್ಳುತ್ತದೆ. ಜೀ ಕನ್ನಡ ವಾಹಿನಿಯ ‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿಯಲ್ಲಿ ಸ್ನೇಹಾ ಪಾತ್ರದೊಂದಿಗಿನ ನನ್ನ ಪ್ರಯಾಣವೂ ಅಂತ್ಯಗೊಂಡಿದೆ. ಕಳೆದ 3 ವರ್ಷಗಳಿಂದ ಸ್ನೇಹಾ ಪಾತ್ರವನ್ನು ನಿರ್ವಹಿಸುವುದು ನನ್ನ ನಟನಾ ವೃತ್ತಿಜೀವನದ ಅವಿಭಾಜ್ಯ ಅಂಗವಾಗಿತ್ತು’’
‘’ಸ್ನೇಹಾ ಪಾತ್ರವನ್ನು ನನಗೆ ವಹಿಸಿಕೊಟ್ಟಿದ್ದಕ್ಕಾಗಿ ಮತ್ತು ನನ್ನನ್ನು ಸ್ನೇಹಾ ಆಗಿ ಆಯ್ಕೆ ಮಾಡಿದ್ದಕ್ಕಾಗಿ ನಾನು ಹೃತ್ಪೂರ್ವಕ ಧನ್ಯವಾದಗಳನ್ನು ಹಂಚಿಕೊಳ್ಳುತ್ತೇನೆ. ಈಗ ಸ್ನೇಹಾ ಪಾತ್ರವನ್ನ ಬಿಟ್ಟು ನಾನು ಮುಂದುವರೆಯುವ ಸಮಯ ಬಂದಿದೆ. ಕೆಲವು ಅನಿವಾರ್ಯ ಸಂದರ್ಭಗಳು ಮತ್ತು ನನ್ನ ವೈಯಕ್ತಿಕ ಕಾರಣಗಳಿಂದಾಗಿ ನಾನು ಭಾರವಾದ ಹೃದಯದಿಂದ ಸ್ನೇಹಾ ಪಾತ್ರವನ್ನ ತೊರೆಯಬೇಕಾಗಿದೆ’’
’ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿಯ ಸ್ನೇಹಾ ಪಾತ್ರಕ್ಕಾಗಿ ನನಗೆ ಸಿಕ್ಕ ಅಪಾರ ಪ್ರೀತಿ ಮತ್ತು ಮನ್ನಣೆಯನ್ನ ದೊಡ್ಡ ಪ್ರಶಸ್ತಿ ಎಂದು ನಾನು ಭಾವಿಸುತ್ತೇನೆ. ಅದು ನನ್ನೊಂದಿಗೆ ಶಾಶ್ವತವಾಗಿ ಉಳಿಯುತ್ತದೆ. ನಿಮ್ಮಲ್ಲಿ ಹೆಚ್ಚಿನವರು ಪಾತ್ರವು ಸಾಯುವುದನ್ನು ನೋಡಲು ದುಃಖಿತರಾಗಿದ್ದೀರಿ ಎಂದು ನನಗೆ ತಿಳಿದಿದೆ. ಆದರೆ, ನಟಿಯಾಗಿ ಪಾತ್ರಕ್ಕೆ ನಾನು ಇಟ್ಟಿರುವ ಸಮರ್ಪಣೆಗೆ ಬದಲಿ ಕಲಾವಿದೆಯನ್ನ ತರಲು ಸಾಧ್ಯವಿಲ್ಲ ಎಂಬುದನ್ನ ಇದು ತೋರಿಸುತ್ತದೆ. ಹೀಗಾಗಿ, ಇದನ್ನು ಧನಾತ್ಮಕವಾಗಿ ತೆಗೆದುಕೊಳ್ಳೋಣ’’
‘’ಸ್ವಲ್ಪ ಸಮಯದ ನಂತರ ವಿಭಿನ್ನ ಪಾತ್ರದಲ್ಲಿ ನನ್ನ ಅಭಿಮಾನಿಗಳನ್ನು ಭೇಟಿಯಾಗಲು ಆಶಿಸುತ್ತಿದ್ದೇನೆ. ಈಗ ನನಗೆ ಯುಗ ಅಂತ್ಯವಾಗಿದೆ! ಕಳೆದ 3 ವರ್ಷಗಳಲ್ಲಿ ಇಡೀ ಕರ್ನಾಟಕ ನನ್ನ ಮೇಲೆ ನೀಡಿದ ಪ್ರೀತಿ ಮತ್ತು ಬೆಂಬಲಕ್ಕೆ ಧನ್ಯವಾದಗಳು’’ ಎಂದು ಇನ್ಸ್ಟಾಗ್ರಾಮ್‌ನಲ್ಲಿ ಸಂಜನಾ ಬುರ್ಲಿ ಬರೆದುಕೊಂಡಿದ್ದಾರೆ.
Support Us 
