India Oil Dependence-ಕಚ್ಚಾ ತೈಲ ಬೆಲೆ ಏರಿಕೆ
Crude oil prices surge ahead, effects on India and its import bill: ಮಧ್ಯಪ್ರಾಚ್ಯದಲ್ಲಿ ಯುದ್ಧ ನಡೆಯುತ್ತಿರುವಂತೆ ತೈಲ ಬೆಲೆಗಳು ಗಗನಕ್ಕೇರುತ್ತಿವೆ. ಒಂದು ಬ್ಯಾರಲ್ ತೈಲದ ಬೆಲೆ 80 ಡಾಲರ್ ದಾಟಿದೆ. ಇದು ಮತ್ತಷ್ಟು ಏರಿಕೆ ಆಗಲಿದ್ದು ತಜ್ಞರ ಅಂದಾಜಿನ ಪ್ರಕಾರ ಬೆಲೆ 100 ಡಾಲರ್ ದಾಟಬಹುದು. ಬೆಲೆ ಒಂದು ಡಾಲರ್ ಹೆಚ್ಚಿದಂತೆ ಭಾರತಕ್ಕೆ ಆರ್ಥಿಕ ಹೊರೆ ಬಹಳ ಅಧಿಕ ಇರುತ್ತದೆ. 
Read this : Iran Missile & Drone Attacks-7 ದೇಶಗಳ ಜಂಟಿ ಹೇಳಿಕೆ |Kannada Folks
ನವದೆಹಲಿ, ಮಾರ್ಚ್ 2: ಪಶ್ಚಿಮ ಏಷ್ಯಾ ಯುದ್ಧದ ಪರಿಣಾಮವಾಗಿ ಅಂತಾರಾಷ್ಟ್ರೀಯ ಕಚ್ಚಾ ತೈಲ ಬೆಲೆ (crude oil prices) ಬಹಳಷ್ಟು ಏರುತ್ತಿದೆ. ಸೋಮವಾರದ ವಹಿವಾಟಿನಲ್ಲಿ ಬ್ರೆಂಟ್ ಕ್ರೂಡ್ ತೈಲ ಬ್ಯಾರಲ್ಗೆ 80 ಡಾಲರ್ ಬೆಲೆ ದಾಟಿದೆ. ಬ್ಯಾರಲ್ಗೆ 60 ಡಾಲರ್ ಆಸುಪಾಸಿನ ಬೆಲೆಯಲ್ಲಿ ತೈಲ ಖರೀದಿ ಮಾಡುತ್ತಿದ್ದ ಭಾರತಕ್ಕೆ ಈಗ ಬೆಲೆ ಏರಿಕೆಯ ಬಿಸಿ ಆರ್ಥಿಕವಾಗಿ ತಾಗಲಿದೆ. ಸದ್ಯ ತೈಲ ಬೆಲೆ ಹಲವು ತಿಂಗಳಲ್ಲೇ ಗರಿಷ್ಠ ಮಟ್ಟಕ್ಕೆ ಹೋಗಿದೆ.
ಕಚ್ಛಾ ತೈಲ ಬೆಲೆ ಏರಿಕೆಯಿಂದ ಭಾರತಕ್ಕೆ ಏನು ನಷ್ಟ?
ಭಾರತಕ್ಕೆ ಅಗತ್ಯವಾದ ಬಹುಪಾಲು ಕಚ್ಚಾ ತೈಲವನ್ನು ಆಮದು ಮಾಡಿಕೊಳ್ಳಲಾಗುತ್ತಿದೆ. ಇದರಲ್ಲಿ ಇರಾನ್ ಹಾಗೂ ಕೊಲ್ಲಿ ರಾಷ್ಟ್ರಗಳದ್ದು ಸಿಂಹಪಾಲು. ಭಾರತದ ಒಟ್ಟಾರೆ ಆಮದಿನಲ್ಲಿ ತೈಲ ಮತ್ತು ಚಿನ್ನದ ಪಾಲು ಬಹಳ ಹೆಚ್ಚು. ಇದರಿಂದಾಗಿ ಭಾರತದಲ್ಲಿ ಕರೆಂಟ್ ಅಕೌಂಟ್ ಡೆಫಿಸಿಟ್ ಅಧಿಕ ಮಟ್ಟದಲ್ಲಿ ಇದೆ. ಹೀಗಾಗಿ, ಆಮದು ಹೆಚ್ಚಿದಂತೆ ಭಾರತದ ಆಮದು ವೆಚ್ಚವೂ ಹೆಚ್ಚುತ್ತಾ ಹೋಗುತ್ತದೆ. ಸಿಎಡಿ ಅಥವಾ ಕರೆಂಟ್ ಅಕೌಂಟ್ ಡೆಫಿಸಿಟ್ ಕೂಡ ಹಿಗ್ಗುತ್ತಾ ಹೋಗುತ್ತದೆ.
ಪಶ್ಚಿಮ ಏಷ್ಯಾ ಮೇಲೆ ತೈಲಕ್ಕೆ ಅವಲಂಬನೆ
ಭಾರತ ತನಗೆ ಬೇಕಾದ ಶೇ. 50ಕ್ಕೂ ಹೆಚ್ಚು ತೈಲವನ್ನು ಇರಾನ್ ಹಾಗು ಕೊಲ್ಲಿ ರಾಷ್ಟ್ರಗಳಿಂದ ಮಾಡಿಕೊಳ್ಳುತ್ತದೆ. ಶೇ. 35-50ರಷ್ಟು ತೈಲವು ಹಾರ್ಮುಜ್ ಜಲಸಂಧಿ ಮೂಲಕ ಬರಬೇಕು. ರಷ್ಯಾ, ಅಮೆರಿಕದಿಂದಲೂ ಭಾರತ ತೈಲ ಪೂರೈಕೆ ಪಡೆಯುವುದರಿಂದ ಕೊಲ್ಲಿ ಪ್ರದೇಶದ ಮೇಲೆ ಹೆಚ್ಚಿನ ಅವಲಂಬನೆ ಇಲ್ಲ ಎನ್ನುವುದು ಸಮಾಧಾನದ ಸಂಗತಿ. ಆದರೂ ಕೂಡ ಹಾರ್ಮುಜ್ ಹಾದಿಗೆ ತಡೆ ಬಿದ್ದರೆ ತೈಲ ಪೂರೈಕೆಯಲ್ಲಿ ವ್ಯತ್ಯಯ ಆಗಿ ಬೆಲೆ ಏರಿಕೆ ಮತ್ತಷ್ಟು ಆಗುತ್ತದೆ.
ರಷ್ಯಾ ಕೂಡ ತೈಲ ಬೆಲೆ ಹೆಚ್ಚಿಸಿದೆ. ಅಮೆರಿಕದ ತೈಲ ಬೆಲೆಯೂ ಏರಿಕೆ ಆಗಿದೆ. ಹೀಗಾಗಿ, ಭಾರತ ತೈಲ ಪಡೆಯಲು ಹೆಚ್ಚಿನ ಬೆಲೆ ತೆರುವುದು ಅನಿವಾರ್ಯವೇ. ಒಂದು ಅಂದಾಜು ಪ್ರಕಾರ 80 ಡಾಲರ್ ಆಸುಪಾಸು ಇರುವ ತೈಲ ಬೆಲೆ ಮುಂದಿನ ದಿನಗಳಲ್ಲಿ 100 ಡಾಲರ್ ದಾಟಿ 110 ಡಾಲರ್ ಸಮೀಪಕ್ಕೆ ಹೋಗಬಹುದು.
Follow Us
Follow KannadaFolks channel on WhatsApp
Visit the Kannadafolks.in follow the latest updates
Subscribe and Receive exclusive content and updates on your favourite topics
Subscribe to KannadaFloks YouTube Channel and watch Videos
Support Us 
