Gorikayi Shenga palya recipe in kannada – ಗೋರಿಕಾಯಿ ಶೇಂಗಾ ಪಲ್ಯ

ಗೋರಿಕಾಯಿ ಬಳಸಿ ಹಲವು ಬಗೆಯ ಪಲ್ಯ ಮಾಡಬಹುದು. ಅದಕ್ಕೆ ಹುರಿದ ಶೇಂಗಾ ಪುಡಿ ಸೇರಿಸಿದರೆ ಪಲ್ಯದ ರುಚಿ ಮತ್ತಷ್ಟು ಹೆಚ್ಚುತ್ತದೆ. ಸರಳ ಪದಾರ್ಥಗಳಲ್ಲೇ ಸುಲಭವಾಗಿ ತಯಾರಿಸಬಹುದಾದ ಗೋರಿಕಾಯಿ ಶೇಂಗಾ ಪಲ್ಯ ಅನ್ನ, ರೊಟ್ಟಿ ಹಾಗೂ ಚಪಾತಿ ಜೊತೆ ಸವಿಯಲು ಉತ್ತಮ ಆಯ್ಕೆಯಾಗಿದೆ.

ಬೇಕಾಗುವ ಪದಾರ್ಥಗಳು…

• ಗೋರಿಕಾಯಿ – ½ ಕೆ.ಜಿ
• ಶೇಂಗಾ – ½ ಬಟ್ಟಲು
• ಈರುಳ್ಳಿ – 1
• ಹಸಿಮೆಣಸಿನಕಾಯಿ – 2
• ಸಾಸಿವೆ – ½ ಚಮಚ
• ಉದ್ದಿನಬೇಳೆ – ½ ಚಮಚ
• ಜೀರಿಗೆ – ½ ಚಮಚ
• ಅರಿಶಿನ – ¼ ಚಮಚ
• ಅಚ್ಚ ಖಾರದ ಪುಡಿ – ½ ಚಮಚ
• ತೆಂಗಿನ ತುರಿ – 2 ಚಮಚ
• ಕರಿಬೇವು – ಸ್ವಲ್ಪ
• ಎಣ್ಣೆ – 2 ಚಮಚ
• ಉಪ್ಪು – ರುಚಿಗೆ ತಕ್ಕಷ್ಟು

Read this – Healthy Weight Gain Foods ; ತೂಕ ಮತ್ತು ಸ್ನಾಯು ಹೆಚ್ಚಿಸಲು 10 ಆರೋಗ್ಯಕರ ಆಹಾರಗಳು

ಮಾಡುವ ವಿಧಾನ…

• ಮೊದಲು ಗೋರಿಕಾಯಿಯನ್ನು ಚೆನ್ನಾಗಿ ತೊಳೆದು, ಎರಡೂ ಬದಿಯ ತುದಿಗಳನ್ನು ತೆಗೆದು ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಶೇಂಗಾವನ್ನು ಬಾಣಲೆಯಲ್ಲಿ ಹುರಿದು, ತಣ್ಣಗಾದ ಬಳಿಕ ಸ್ವಲ್ಪ ಪುಡಿ ಮಾಡಿಕೊಳ್ಳಿ.
• ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ ಸಾಸಿವೆ, ಉದ್ದಿನಬೇಳೆ ಮತ್ತು ಜೀರಿಗೆ ಹಾಕಿ ಒಗ್ಗರಣೆ ಮಾಡಿ. ನಂತರ ಕರಿಬೇವು, ಸೀಳಿದ ಹಸಿಮೆಣಸಿನಕಾಯಿ ಹಾಗೂ ಸಣ್ಣಗೆ ಹೆಚ್ಚಿದ ಈರುಳ್ಳಿ ಸೇರಿಸಿ ಹುರಿಯಿರಿ.
• ಈರುಳ್ಳಿ ಸ್ವಲ್ಪ ಮೃದುವಾದ ಬಳಿಕ ಗೋರಿಕಾಯಿ, ಅರಿಶಿನ ಹಾಗೂ ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. ಮುಚ್ಚಳ ಮುಚ್ಚಿ ಮಧ್ಯಮ ಉರಿಯಲ್ಲಿ ಗೋರಿಕಾಯಿ ಮೃದುವಾಗುವವರೆಗೆ ಬೇಯಿಸಿ. ಅಗತ್ಯವಿದ್ದರೆ ಸ್ವಲ್ಪ ನೀರು ಚಿಮುಕಿಸಿ.
• ಗೋರಿಕಾಯಿ ಬೇಯಿಸಿದ ಬಳಿಕ ಅಚ್ಚ ಖಾರದ ಪುಡಿ ಹಾಗೂ ಹುರಿದ ಶೇಂಗಾ ಪುಡಿ ಸೇರಿಸಿ ಚೆನ್ನಾಗಿ ಕಲಸಿ. ಕೊನೆಯಲ್ಲಿ ತೆಂಗಿನ ತುರಿ ಹಾಕಿ 2 ನಿಮಿಷ ಸಣ್ಣ ಉರಿಯಲ್ಲಿ ಹುರಿದರೆ ರುಚಿಯಾದ ಗೋರಿಕಾಯಿ ಶೇಂಗಾ ಪಲ್ಯ ಸಿದ್ಧ.

Follow Us 

Follow KannadaFolks channel on WhatsApp

Visit the Kannadafolks.in follow the latest updates

Subscribe and Receive exclusive content and updates on your favourite topics

Subscribe to KannadaFloks YouTube Channel and watch Videos