ಇಸ್ರೇಲ್-ಇರಾನ್ ಸಂಘರ್ಷ: ಇರಾನ್ ನಾಯಕ ಖಮೇನಿಯನ್ನು ಮುಗಿಸಲು                             ಮೊಸಾದ್ ಘೋಷಿಸಿತು

ಇಸ್ರೇಲ್-ಇರಾನ್ ಸಂಘರ್ಷ:ಹಮಾಸ್ ಮುಖ್ಯಸ್ಥ ಯಾಹ್ಯಾ ಸಿನ್ವರ್‌ನ ಹತ್ಯೆ ಬಳಿಕ ನಡೆದ, ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹತ್ಯೆ ಪ್ರಯತ್ನಕ್ಕೆ ಪ್ರತೀಕಾರವಾಗಿ ಇರಾನ್ ಸರ್ವೋಚ್ಛ ನಾಯಕ ಆಯತೊಲ್ಲ ಖಮೇನಿಯನ್ನು ಮುಗಿಸಲಾಗುವುದು ಎಂದು ಇಸ್ರೇಲ್ ಗುಪ್ತಚರ ಸಂಸ್ಥೆ ಮೊಸ್ಸಾದ್ ಹೇಳಿದೆ. ನೆತನ್ಯಾಹು ಮನೆ ಮೇಲಿನ ದಾಳಿಯು ಖಮೇನಿಯನ್ನು ಗುರಿಯಾಗಿಸಲು ಸಿಕ್ಕ ಲೈಸೆನ್ಸ್ ಎಂದು ಅದು ತಿಳಿಸಿದೆ

• ಖಮೇನಿ ವಿರುದ್ಧ ಇಸ್ರೇಲ್‌ ಗುಪ್ತಚರ ಸಂಸ್ಥೆ ಮೊಸಾದ್‌ ಬಹಿರಂಗ ಘೋಷಣೆ
• ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹತ್ಯೆ ಯತ್ನಕ್ಕೆ ಪ್ರತೀಕಾರದ ಗುಟುರು
• ಯಾಹ್ಯ ಸಿನ್ವರ್ ಹತ್ಯೆಯಿಂದ ಅಂತ್ಯವಾಗಿಲ್ಲ, ಹಮಾಸ್ ಜೀವಂತ ಎಂದ ಖಮೇನಿಟೆಲ್‌ ಅವೀವ್‌: ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಹತ್ಯೆ ಯತ್ನಕ್ಕೆ ತಿರುಗೇಟು ನೀಡಲು ನಮಗೆ ಎಲ್ಲ ಹಕ್ಕಿದೆ. ಪ್ರಧಾನಿ ನಿವಾಸದ ಮೇಲೆ ನಡೆದ ಕ್ಷಿಪಣಿ ದಾಳಿಗೆ ಪ್ರತೀಕಾರವಾಗಿ ಇರಾನ್‌ ಸರ್ವೋಚ್ಚ ನಾಯಕ ಅಯತೊಲ್ಲಾ ಖಮೇನಿ ಅವರನ್ನು ಹೊಡೆದುರುಳಿಸಲು ಕಾನೂನಾತ್ಮಕ ಬೆಂಬಲ ಸಿಕ್ಕಂತಾಗಿದೆ ಎಂದು ಇಸ್ರೇಲ್‌ ಗುಪ್ತಚರ ಸಂಸ್ಥೆ ‘ಮೊಸಾದ್‌’ ಹೇಳಿಕೊಂಡಿದೆ.ಹೆಜ್ಬೊಲ್ಲಾ ಬಂಡುಕೋರ ಪಡೆ ಶನಿವಾರ ನೆತನ್ಯಾಹು ಖಾಸಗಿ ನಿವಾಸದ ಮೇಲೆ ಕ್ಷಿಪಣಿ ದಾಳಿ ನಡೆಸಿತ್ತು. ”ಇರಾನ್‌ ಬೆಂಬಲಿತ ಬಂಡುಕೋರ ಪಡೆಯ ಕೃತ್ಯಕ್ಕೆ ತಿರುಗೇಟು ನೀಡಲು ನಮ್ಮ ಪಡೆ ಸಿದ್ಧವಿದೆ. ದಾಳಿಗೆ ಪ್ರಚೋದನೆ ನೀಡಿರುವ ಅಯೊತೊಲ್ಲಾ ಖಮೇನಿಯನ್ನು ಮುಗಿಸಲು ನಮಗೆ ನೈತಿಕ ಬಲ ಸಿಕ್ಕಂತಾಗಿದೆ,” ಎಂದು ಗುಪ್ತಚರ ಸಂಸ್ಥೆ ‘ಮೊಸಾದ್‌’ ತನ್ನ ಅಧಿಕೃತ ‘ಎಕ್ಸ್‌’ ಖಾತೆಯಲ್ಲಿ ಬರೆದುಕೊಂಡಿದೆ.
• Hina Khan Recalls Going &Straight To Chemotherapy& After Attending An Award Function: All Glam Is Gone&
• ತಮ್ಮ ಖಾಸಗಿ ನಿವಾಸದ ಮೇಲೆ ನಡೆದ ಕ್ಷಿಪಣಿ ದಾಳಿಗೆ ಪ್ರತಿಕ್ರಿಯೆ ನೀಡಿದ್ದ ಬೆಂಜಮಿನ್‌ ನೆತನ್ಯಾಹು, ”ಇರಾನ್‌ ಬೆಂಬಲಿತ ಹೆಜ್ಬೊಲ್ಲಾ ಪಡೆ ನನ್ನ ಹತ್ಯೆಗೆ ಯತ್ನ ನಡೆಸುವ ಮೂಲಕ ಘೋರ ತಪ್ಪು ಮಾಡಿದೆ. ಇದರ ಪರಿಣಾಮಗಳು ಭೀಕರವಾಗಿರಲಿವೆ,” ಎಂದು ಎಚ್ಚರಿಸಿದ್ದರು. 

  ಹೆಜ್ಬೊಲ್ಲಾ ಗುಪ್ತಚರ ಸಂಸ್ಥೆ ಮೇಲೆ ದಾಳಿ

  ನೆತನ್ಯಾಹು ನಿವಾಸದ ಮೇಲೆ ನಡೆದ ಕ್ಷಿಪಣಿ ದಾಳಿಗೆ ಭಾನುವಾರ ತಿರುಗೇಟು ನೀಡಿರುವ ಇಸ್ರೇಲ್‌ ವಾಯುಪಡೆ, ಹೆಜ್ಬೊಲ್ಲಾ ಬಂಡುಕೋರ ಪಡೆಯ ಗುಪ್ತಚರ ಸಂಸ್ಥೆಯ ಕೇಂದ್ರ ಕಚೇರಿಯನ್ನು ಧ್ವಂಸಗೊಳಿಸಿದೆ.

  ಲೆಬನಾನ್‌ನ ಬೈರುತ್‌ನಲ್ಲಿ ಭೂಗತವಾಗಿದ್ದ ಗುಪ್ತಚರ ಸಂಸ್ಥೆ ಕಚೇರಿ ಮೇಲ್‌ ವಾಯುಪಡೆ ಬಾಂಬ್‌ ದಾಳಿ ನಡೆಸಿದ್ದು, ಬಂಡುಕೋರ ಪಡೆಯ ಮೂವರು ಕಮಾಂಡರ್‌ಗಳು ಹತರಾಗಿದ್ದಾರೆ. ಭೀಕರ ಬಾಂಬ್‌ ದಾಳಿಯಲ್ಲಿ ಹೆಜ್ಬೊಲ್ಲಾಪಡೆಯ ಮೂಲಸೌಕರ್ಯ ವ್ಯವಸ್ಥೆಗಳು ಧ್ವಂಸಗೊಂಡಿವೆ ಎಂದು ಇಸ್ರೇಲ್‌ ರಕ್ಷಣಾ ಪಡೆ ಹೇಳಿಕೊಂಡಿದೆ.

• 
• ಗಾಜಾದಲ್ಲಿ 87 ಜನರ ಸಾವುಈ ನಡುವೆ ಪ್ಯಾಲೆಸ್ತೀನ್‌ನ ಉತ್ತರ ಗಾಜಾ ಪ್ರದೇಶದ ಮೇಲೆ ಇಸ್ರೇಲ್‌ ಸೇನಾಪಡೆ ನಡೆಸಿದ ದಾಳಿಯಲ್ಲಿ 87 ನಾಗರಿಕರು ಮೃತಪಟ್ಟಿದ್ದಾರೆ. 40ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ ಎಂದು ಪ್ಯಾಲೆಸ್ತೀನ್‌ ಆರೋಗ್ಯ ಸಚಿವಾಲಯ ಮಾಹಿತಿ ನೀಡಿದೆ.

  ಯುದ್ಧದ ಪರಿಣಾಮಗಳು

  • ಗಾಜಾದಲ್ಲಿ 42,603 ಜನರ ಸಾವು
  • ಇಸ್ರೇಲ್‌ ದಾಳಿಯಿಂದ 99,795 ಮಂದಿಗೆ ಗಾಯ
  • ಲೆಬನಾನ್‌ನಲ್ಲಿ 2,400 ಮಂದಿ ಸಾವು, 12 ಲಕ್ಷ ಮಂದಿ ನಿರಾಶ್ರಿತ

   

• ಭಾರತದ ಮಾನವೀಯ ನೆರವುಯುದ್ಧಪೀಡಿತ ಲೆಬನಾನ್‌ ಜನರ ನೆರವಿಗೆ ಧಾವಿಸಿರುವ ಭಾರತ, ಮಾನವೀಯ ನೆರವು ನೀಡಿದೆ. ಔಷಧ ಸೇರಿದಂತೆ 11 ಟನ್‌ ವೈದ್ಯಕೀಯ ಸಾಮಗ್ರಿ ರವಾನಿಸಿದೆ. ಇದುವರೆಗೆ 33 ಟನ್‌ ವೈದ್ಯಕಿಯ ಔಷಧೋಪಚಾರದ ಸಾಮಗ್ರಿ ನೀಡಲಾಗಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ.ಯಾಹ್ಯಾ ಸಿನ್ವರ್ ಹೀರೋ ಎಂದ ಖಮೇನಿ

  ಇಸ್ರೇಲ್ ದಾಳಿಗೆ ಬಲಿಯಾದ ಹಮಾಸ್ ಮುಖ್ಯಸ್ಥ ಯಾಹ್ಯಾ ಸಿನ್ವರ್‌ನನ್ನು ಖಮೇನಿ ‘ಹೀರೋ’ ಎಂದು ಬಣ್ಣಿಸಿದ್ದಾರೆ. ನಾಯಕನ ಸಾವಿನ ಬಳಿಕವೂ ಹಮಾಸ್ ಜೀವಂತವಾಗಿದೆ ಮತ್ತು ಉಳಿಯಲಿದೆ ಎಂದು ಖಮೇನಿ ಹೇಳಿದ್ದಾರೆ.

  “ಅವರ ಸಾವು ಖಂಡಿತವಾಗಿಯೂ ಪ್ರತಿರೋಧ ಬಣಕ್ಕೆ ನೋವುಂಟುಮಾಡಿದೆ. ಆದರೆ ಸಿನ್ವರ್‌ನ ಜೀವತ್ಯಾಗದೊಂದಿಗೆ ಎಲ್ಲವೂ ಅಂತ್ಯಗೊಳ್ಳುವುದಿಲ್ಲ. ಹಮಾಸ್ ಜೀವಂತವಾಗಿದೆ ಮತ್ತು ಜೀವಂತ ಇರಲಿದೆ” ಎಂದು ತಿಳಿಸಿದ್ದಾರೆ.